• 讀者來稿

動物有靈性

啱啱食午餐,偷聽到(其實係佢講得太大聲)隔離枱傾偈,討論緊佢某次跑山見到同一隻牛牛幾次,覺得牛牛阻住佢條路,就叫牛牛借開啲畀佢跑,點知隻牛牛真係借開。跟住佢朋友就話,啲牛真係有靈性!


呢件事令我諗起我家「咕咕」。咕咕係一隻我十幾年前喺街執返嚟嘅貓貓,喺佢貓生路上基本都冇乜點睇過醫生,生命力十分頑強,次次都努力生存,不經不覺,而家已經十幾歲。


貓
咕咕

話說我最近同拍拖十多年的男友結婚了,但兩夫妻唔多唔少都會意見不合,前幾日有一次我因為老公而唔開心同喊,咕咕都陪喺我身邊。

噚日沖完涼我就如常抱住咕咕,點知佢見到姐夫(我老公)行埋嚟就好惡咁鬧佢。跟住我就同咕咕解釋:我哋有時有爭執同埋我會唔開心,但姐夫唔係特登嘅,只係大家意見唔一樣,其實姐夫都一樣咁愛我㗎。

之後咕咕就無再嬲,仲肯畀姐夫摸返。

睇到呢度,你可以認為我係9up,但事實就係,當呢件事發生喺自己身上,仲可以認為動物只係畜牲嗎?

再延伸一點,既然貓同牛都一樣有靈性,咁其他動物呢?如果你都認為動物皆有靈,歡迎加入成為其中一位不吃動物的人 😄

咕咕的好朋友

13 views0 comments

Recent Posts

See All