相信好多人一開始食素都有呢個擔心，但其實植物性食物入面都有蛋白質㗎！
組成蛋白質嘅「氨基酸」之中有九種係人體不能自行製造，必需從食物攝取，稱為「必需氨基酸」（essential amino acids）；而不同植物性食物含有不同組合嘅氨基酸，例如豆類一般缺少「甲硫氨酸」（methionine），穀類則通常欠缺「賴氨酸」（lysine）。
但大家放心，只要進食不同種類嘅食物，就可以補足到另一種食物所欠缺嘅氨基酸，甚至無需於同一餐進食。例如午餐食咗豆類，可以喺晚餐食返五穀類，咁就可以攝取到所有必需氨基酸。
另外，部分植物性食物都有齊九種必需氨基酸，稱為「完全蛋白質」，例如黃豆、黃豆製品及藜麥等。因此，只要食物多元化，食素都絕對可以攝取到足夠蛋白質㗎！
兩間醫院的膳食及營養部主管
註冊營養師黃志榮