一齊企硬，唔 buy 嘢

保安局禁毒處郭富城宣傳橫額截圖

如果唔 buy HKTVmall 母公司香港科技探索進行的動物實驗，那麼可以唔 buy HKTVmall 的貨品，以最實際的鈔票，杯葛公司，抵制商家，從經濟學 101 的「供求關係」（supply and demand）着手，表達不滿，提出抗議。

如果唔 buy 寵物繁殖產業，而 buy「可以不愛，不要傷害」，那麼可以選擇「領養不購買」，唔 buy 寵物，不付款，不課金，改為 adopt，從根源改變現況。

唔 buy，就是唔 buy 一個行業最簡單直接有效的方法，因為現今商業社會，金錢如空氣，沒有它真的萬萬不能。水喉米路斷了，自然走上絕路，關門大吉。說到底，唔 buy，其實是一種杯葛，是一場透過金錢進行的和平抗議。牛津字典這樣定義「boycott」一詞：to refuse to buy, use or take part in something as a way of protesting。

同理，如果唔 buy 數以十億計的某些動物被無辜虐待殺害而 die，那麼可以在我們的認知範圍之內，盡可能唔 buy 含有動物成分的產品，或牽涉虐待動物的服務活動。例如唔 buy 皮草（唔同唔「着」）、唔 buy 魚翅（唔同唔「食」）、唔 buy 象牙製品（唔同唔「用」）、唔 buy 馬戲團動物園入場券（唔同唔「去」）⋯⋯所謂「純素主義」（veganism）的精神，大概就是「企硬唔 buy 動物被無辜虐待殺害」，重點在於「buy 唔 buy」，而非「穿不穿吃不吃用不用去不去」；實情是天天實實在在的買賣交易經濟活動，以及關乎道德倫理價值觀的真金百銀全民投票。

至於「企唔企硬」，就看各自對「保護動物」有幾 buy，城城唔會迫我哋。

唔使聽其他人講，聽自己良心講。

乖。Bye bye。