冰糖燉香蕉的心法
別小看它——冰糖燉香蕉！
中秋過後，天氣又熱又乾。香蕉秋季采收（即當造），是清熱潤燥的養生佳品。
香蕉甘寒，入肺及大腸經，有清熱解毒、生津潤燥、清潔腸腑的作用。
香蕉生食，有些脾胃虛寒的人會容易食到口淡淡，所以大家也可以拿來燉。燉過的香蕉，寒性會相對減低，而且還有點番薯糖水的感覺呢！
做法：
香蕉一條，加入少許冰糖（片糖、紅糖也可），加半碗清水（盛滿碗子），隔水蒸十分鐘。
有助紓緩：
習慣性便秘（尤其長者）
秋燥乾咳
留意返：
糖尿病、痰多咳喘者，不宜食用。
唔講你唔知，中醫一向講求天人合一。
今次揀了最熟、最「醜」的香蕉來燉，因為相對較甜，可以落少啲糖。開始時切片，兩排放入碗中，賣相還算可以。隔水蒸過之後，它們好像湯圓一樣，圍曬喺邊，就像一位大自然廚師一樣，把它變成一個大大的圓形。就算只看一眼，你都會覺得好開心、好靚，都想讚下佢。對嗎？
你知道嗎？只要我們對身邊有生命的事物讚賞，例如花又或者食材，佢哋都會生長得靚啲、留得耐啲，仲會好味啲𠻹！所以，切勿帶住負面情緒入廚，唔想煮就唔好煮。
而最醜嘅香蕉，其實也有它的優點。你看它醜，或許只是你的想法，它也有自己的優點，只是你看不到而已。
換返喺人的角度，多啲讚賞自己、讚賞別人，你內心就會變得更好、更美。很多時外在嘅觀感，或許並不是事實的全部呢。
北京中醫藥大學醫學碩士
註冊中醫師毛淑敏
Comments