素食媽咪手工靚湯馬蹄竹蔗茅根紅蘿蔔薑（無糖無鹽）

噚晚見到素食媽咪

做完正經嘢之後臨走之際

素媽叫師傅「飲返碗湯先啦！」

本來師傅都急急腳趕住回家照顧爸爸

不過正所謂「盛情難卻」

最終都欣然盛載了這碗恩賜 ☺️✨

一飲下去：嘩，好清甜呀！

素媽：係呀，無落糖㗎！

師傅：好正呀，無落糖都咁好味（其實可能正正因為無落糖先咁好味🙈）

閒聊幾句，素媽突然煞有介事地問：你一陣會見到小夥伴嗎？

師傅：今日應該唔會了，有咩事呢？

素媽：無呀，諗住畀多碗佢飲嘛！

師傅以為有咩緊要事，原來緊要事就係呢一件／碗 🥹

之後素媽再問：咁畀一碗爸爸啦！

師傅婉拒：唔使啦，因為我返屋企都有啲遠呢 🥹

師傅懷着感恩之心專心飲個清光：心領了！我代他們飲埋佢哋嗰份，謝謝你呀！

素媽開心大笑

窩心、溫暖、感動

為沒有媽咪的師傅的勞碌的一天劃上完美的逗號

「素食媽咪」

實至名歸 ❤️

（唔信嚟緊週末 12–13/9 去荔枝角「環圃農圃」親身感受下）

惜食溫師傅

@oncefull